Original: Deutsch
[Blatt 8v. – keine Paginierung]
Zu wissen So als Henne Rorbach vnd Girlach von [oßkeim?] biß her uff datu(m) dieses | brieffe(s) ein prosey in ir beyder huße in gemeyn mit eynander gebrucht und ge- | habt han / Vnd solich proseye no gebrechlich vnd busellig word(en) ist re Ist zwischen uns beden parthyen in fruntlichkeit beredt Inmassen hernach geschrie- | ben folget Mit namen vnd zur ersten So sal Girlach henne Rorbach geb(e)n | iii gulden Vnd dar gein sal henne Rorbach solich prosey lass(e)n fegen vnd zumen | uff synen kosten Vnd wan daz geschicht So sal vnd mag dan henne Rorbach | lassen machen eyn scheyde muer zwisch(e)n ym uund Girlach auch uff synen | kosten Vnd wie he die machet daz ynne sal ym Girlach vorgñte nicht reden | ader dragen Vnd sal auch ein solicher muern Girlach ader sin irben kein | teyl ader gemeyn han Sonder die sal sin vnd bliben henne Rorbachs vnd | sinen irben Vnd mag dan iglich prthy uff irer syten mit sym deil der pro- | seyen machen vnd thun was iglichs gelustet Doch on schaden des andern | Vnd im also heruff gutlich zeyget vnd geracht uff den mandag nest nach | dem Sontag Remi(ni)sc(ere) zu latin also genant Anno d(o)m(ini) Mo cccco Lmo Vnd hat iglich parthy dieser czedel eyne die ußeinander gesneden sind
Glossen
[Linker Rand (Schreiber 3)] Sehr. s. p. 16
[Linker Rand, neben Z. 2–3 (Schreiber 2)] Henne Ror | bach.
[Linker Rand, neben Z. 5–7 (Schreiber 2)] Wegen dehr pro… | [frings?] | 1450