19. Mai 1424: Urkunde der Stadt Frankfurt für Johann Bruckhoff und seine Frau.

Wir die Burgermeistere Scheffene und Rad czu Franckenfurd Erkennen uns uffntlich mit diesem Brieffe das vor uns stunden an unser | gemwertikeit Johann Bruckhoff und kincze sin eliche hussfrauwe/und irkanten sich uffentlich daz sie mit samenderhant und wol | vorbedachtem beraden unde recht und redelich verkaufft haben/und gaben auch vor uns uff den bescheiden Vojs von der Winther | bach Kathrinen siner elichen husfrauwen und Iren erben czwen gülden geltis yerlichir gülde umb vierczig gulden guter francken | furter weringe Und han Johann und kincze vorgen[annt] vir sie und ire erben/ den vorgen[annten] Vojs und Kathrinen und Jren erben die | selben zwei gulden geltis vor uns bewiset und darfür zu underphande gelacht diese h[er]nachgeschriben güde mitnamen ire halb | teil der husunge und gesesse gnant Cleynen Nüremberg /gelegen am Glauburger Hoffe und an dem gesesse zum lemchin/ und | gebe die vorgen husunge und gesesse Cleynen Nüremberg vor Jerlichs mitein czu czinse siebenundczwenczig gülden geltis/des | ambteils wyderkauff sy und darczu ein huss mit siner zugehoringe gelegen Jm Sacke/ gelegen zuschen Gerlach Schütter | von Laupach und Michel komels stalle/ und gebe das vorgen[annte] huss mit siner zugehoringe vor Jerlichs czu czinse [drüschende?] | heller geltis den lüden die den Zins daruffe han/ Und gefallen die vorgen[annten] zwei gülden geltis Jerlichs uff sant Urbans tag | Auch bekannten Johann und kincze vorgen[annt]/ das sie des geltis darumb von der obengen[annten] Vojs und Kathrinen gütlich und wohl beczalit sin | und gewert und han auch vor uns uff das selbe gelt und die vorgen[annten] zwen gülden geltis in der maße als vor und ehnachgeschr[ieben] | steet luterlich und genczlich vercziegen/ Auch han Johann und kincze vorgen[annt] für sie und ire erben/ den obgen[annten] Vojs und | Kathrinen und Iren erben gesprochen| und sich Jn vor uns rechte sachwalden gemacht [vüerscheidelich?] ir iglichs vir voll din- | verschafft und alle rechte anspräche/ Jar und tag nach der Stede Franckenfurd recht und gewonheid/ Auch bekanten sie vo[r] beiden | Osten das beredt sy Und haben Vojs und Kathrin oben[genannt] den vorgen[annten] Johann und kinczen die liebe und früntschafft getan/ wilchs Jars | oder zyt Johann und kincze vorgen[]/ sie beide odir ir eins odir ire erben/ odir wer die egen[annten] undirphande ingewinnet zu den oben[]t[] | Vojs und Kathrinen oder Iren erben oder wer die oben[genannten] zwen gülden geltis darumb wyder zukauffe und czu entschuden czu | geben daz sie jn die dan darumb weder zükaüffe und zu entschüden geben sollen und wollen/ also das sie Jn damyde auch geben und be= | czalen was der vorg[] zweier gülden geltis vor erschienen wen/ und doch noch unbeczalt ußstunden/ doch in diesen vorgeschr[iben] Artikeln mit | beheftnis und unschädlich dem riche/ dem rede und der Stadt zu Franckenfurd an Iren dinsten gnaden und freyheiden/ hie by sin gewest | Conrad Wijße Johann wijße zum Rebestocke Scheffene Conrad von Hulshouen und ande[re] erbe[re] lude/ des czu urkunde han wir | der vorgen[annt] unß Steck dem Jngesiegel durch irre beider sijten bede willen an diesen Brief tun Hecken/ Datum Anno domini | Millesimo Quadringentesimo vicesimoquarto feria sexta ante urbani–